الأربعاء، 18 أغسطس 2021

75 رغبة فى التنسيق هنعمل ايه فى الحوار ده والدور التانى

 75 رغبة فى التنسيق هنعمل ايه فى الحوار ده

كل حاجه عن التنسيق


كل حاجه عن التنسيق حاول نقرأه كله بتركيز ولو عندك اى استفسار اكتبه فى تعليق هنا👇👇 او على البيدج او على الجروب

مرحلة أولى تنسيق يوم السبت
 فتح موقع التنسيق الإلكترونى لطلاب الثانوية_العامة سيطلب منك رقم جلوسك ورقمك السرى لتسجيل رغباتك وللحصول على رقمك السرى فيمكنك الحصول عليه من استمارة النجاح التى تسلمتها من المدرسة و المكتوب بالمكان الموضح
 
ناس كتير مش فاهمه ازاي حوار تنسيق الجامعات هيحصل 

بص معايا كده  وركز ابوس دماغك عشان الحوار ده ممكن يتسبب فى مشاكل كتير زى مثلا ان مجموعك 95% وساكن فى القاهرة وتلاقى نفسك اتقبلت فى معهد لاسلكى فى الوادى الجديد.
اولا التنسيق 3 مراحل

 ⁦المرحله الاولي
بتكون 88علمي علوم و80 علمي رياضه  و 65% ادبي
  المرحله الثانيه
بتكون حوالي 70% لعلمي علوم ورياضه  و 60% الادبي
  المرحله التالتة
بتكون مقسومة جزئين
الحاصلين علي 50% فاعلي ودول بيدخلوا الكليات المتبقيه من للمرحله التانيه ،( غالبا بتكون معهد او كليه تربيه رياضيه او حقوق وما شابه ذلك)
والطلبه الي كانوا ماجلين للدور التاني بعذر قانوني ودول بيكون مكانهم محفوظ في أي كليه حتي كليه الطب طالما هو حصل علي المجموع بتاع الكليه
المرحله الاولي هتفتح يوم السبت اللى جاى 21 / 8 / 2021
المرحله الثانيه غالبا اول سبتمبر
المرحله التالته بعد ظهور نتيجه الدور التاني مباشرة
فى كل مرحلة  موقع التنسيق بيكون مفتوح فيها علي مدار 24 ساعه لمده خمس ايام متواصله  ومسموحلك تكتب رغباتك في أي وقت في الخمس ايام وتقدر تغير رغباتك في أي لحظة علي مدار الخمس ايام.
المرحله الاولي بتاخد مثلا من 88% يبقي انت لو جايب 87.9% ما تقدرش تنسق مرحله اولي وبتنتظر المرحله التانيه .
طيب انا بكتب. رغباتي ازاي؟

 بص معايا يا صديقى انت مسموحلك تكتب 75 رغبه
طيب هو انا بكون عارف كل كليه هتاخد من كام قبل ما اكتب رغباتي  ⁦:interrobang:⁩
لا طبعا يا مؤمن مش بتكون عارف
اومال هكتب رغباتي ازاي بقا
هتكتب حسب التوقعات الي بتنزل 

الرقم السري

 هتلاقيها فى الاستمارة اللى هتكون موجودة فى المدارس وتقدر تستلمها من يوم السيت التاسعة صباجا

لازم تكون واقعي انت وبتكتب الرغبات بتاعتك يعني انت جايب 88% اكيد طبعا المجموع ده مش يجيب مجموع طب بشري خالص يبقي مش تروح تكتبلي طب بشري في الرغبات ليه بقا عشان حضرتك لو كتبتلي كل كليات الطب البشري وبعد كده كل كليات الأسنان وبعد كده كل كليات الصيدلة وبعد كده كل كليات العلاج الطبيعي كده هتكون كتبت حوالي 75 رغبه وممكن مجموعك مش يجيب مجموع اي رغبه من الي كتبتها وفي الحاله دي بيحصل حاجه اسمها ( استنفاذ الرغبات ) ويتكون لازم تنسق حسب المرحله التانيه بالرغم من انك ممكن تكون جايب مجموع كليه من للمرحله الاولي بس انت بتضيعها من ايديك
طيب كده متفقين انك لازم تكون واقعي في كتابه الرغبات

طيب انا ازاي ارتب ال 75 رغبه بتوعي  :interrobang:⁩
رغباتك بتكون مقسومه ل 3 اجزاء
الجزء الاول ده بيكون متاح ليك 7 كليات الي هم اقرب 7 كليات لمحافظتك فلازم تكتبهم الاول يعني انا من القاهرة وهكتب الرغبه الاولي طب بشري يبقي هيكون متاح لي اقرب كليات طب لسكنى يعني القاهرة عين شمس حلوان ثم الاقرب من المحافظات وهكذا يعني ( لازم تكتب محافظتك اول رغبه )
القطاع التاني بيكون متاح ليك شويه كليات ابعد عن محافظتك شويه
القطاع التالت بيكون متاح ليك الكليات البعيده خالص خالص عن محافظتك  فتلاقيها جامعة جنوب الوادى مثلا هى المناسبة
يعني انا مجموعي 92% يبقي هكتب رغباتي كده
اول حاجه كليات الطب البشري كلها علي مستوي الجمهوريه وتكون ملتزم بالتوزيع الجغرافي الي قلنا عليه  فوق وليكن مثلا كل كليات الطب علي مستوي الجمهوريه 20 كليه يعنى ما تكتبش الرغبة الاولى طب عين شمس وتروح كاتب الرغبة التانية اسنان عين شمس غلط👎👎 رتب الكلية مش ترتب الجامعة.
بعد كده اكتب كل كليات الأسنان علي مستوي الجمهوريه وليكن مثلا 15 كليه
كده انت كاتب 35 رغبه وهتكمل باقي الكليات لحد ما تخلص ال 75 رغبه بتوعك
طيب وبعد كده بيحصل ايه يا مؤمن ⁦:interrobang:  موقع التنسيق بيقفل لمده 48 ساعه وبيبدا يوزع كل الطلاب علي الكليه المناسبه لمجموعهم  طيب ازاي بيحصل
الموقع بيشوف اول رغبه لو انت مش جايب مجموعها ينزل علي الرغبه التانيه ولو انت مش جايب مجموعها ينزل علي الرغبه التالته لحد ما يلاقي الرغبه المناسبه لمجموعك بختصار انك لازم تكتب الرغبة الاولى اكتر كليه انت عايزها مناسبة لمجموعك
طيب وبعد ال 48 ساعه دول بيحصل ايه يا مؤمن ⁦:interrobang:⁩:thinking: نتيجه التنسيق بتبان وبتبدا تعرف نفسك دخلت كليه ايه وبتعرف الحد الأدنى لكل كليه كام.

بتدخل تانى على موقع التنسيق وهتلاقى جملة تم ترشيحكم فى كلية كذا  بتطبع استمارة الترشيح دى

اضغط هنا مؤشرات تنسيق الجامعات 2021

 تعرف على جميع 👇
 المرحله التانيه

وبعد كده بيفتح الموقع لطلاب المرحله التانيه لمده 5 ايام برضوا وبيبداؤا يكتبوا الرغبات حسب الكليات المتاحه ليهم بنفس طريقه المرحله الاولي وبعد كده نتيجه تنسيق المرحله الثانيه بتبان وبتعرف دخلت كليه ايه وبتعرف الحد الأدنى لكل كليه في المرحله التانيه كام
وبعد كده بيحصل ايه يا مؤمن⁦:interrobang:⁩  .

 تقليل الاغتراب

الموقع بيفتح لتقليل الاغتراب لطلاب المرحله الاولي والتانيه
يطلع ايه تقليل الاغتراب ده ,
لو انت جاتلك كليه بعيده عن محافظتك وعايز تحول لمكان اقرب يعنى انا من القاهرة وجاتلى المنصورة فى الحالة دى بتسجل في تقليل الاغتراب وتطلب ان ينقلوك الى جامعة عيسن شمس مثلا 

وبنسبه 70% تقليل الاغتراب بتاعك ممكن يتقبل وتحول وخصوصا للبنات
وبعد كده بتكون نتيجه الدور التاني بانت والموقع بيفتح للمرحله التالته وبيحصل نفس الكلام الي فوق
الموضوع ابسط مما تتخيل فيه اي اسئله ؟؟

 متنساش | تعمل اعجاب على صفحتنا👇 

 الفيس عشان تتابع كل الاخبار

الفيس بوك هنبسطهالك - HnBsthalk اضغط هنا





شارك الموضوع على:
شارك الموضوع على:

0 Comments:

إرسال تعليق

تسعدنا تعليقاتكم

مواضيع اكثر انتشارا

مشاركة مميزة

مؤشرات تنسيق الجامعات 2021

مؤشرات تنسيق الجامعات 2021   علمى علوم - جميع طلاب المرحلة الأولى من شعبة علمى علوم وعددهم ٢٢الفاو٩٥٤ طالب ستكون أمامهم فرص التحاق بكل...