فيديو الوزارة طريقة تسجيل المنصة وشرح وتجميع لكل الخطوات والمواقع المطلوبة وطريقة تنسيق البحث المدرسي

طريقة تنسيق البحث المدرسي وتجميع لكل الخطوات والمواقع المطلوبة  وكيفية الحصول على المعلومات لاتمام البحث من البداية حتى تسليم البحث

قرأنا كلام كتير وشوفنا فيديوهات وسمعنا دلوقتى هنلم كل اللى فات في مكان واحد

في البدايه اهم حاجة لازم تعرفها ان في طريقة معينة لازم تكتب البحث بيها هنعرفها مع بعض دلوقتى يعنى مش اى طريقة نكتب بيها وخلاص

وفي كلمات هتقابلك 

من اول ما تفكر في عمل البحث هقولك معناها الأول وبعدين هقولك هنستخدمهم ازاي في عمل البحث وبعدين طريقة تنسيق البحث

1.   كود الطالب او الرقم التعريفي وده هتجيبه من  هنا  http://studea.emis.gov.eg وده عبارة عن الكود اللى من خلاله بيتعرف البحث بتاع مين من الطلبه.

2.   رمز الصف وده هتجيبه من مدرستك من اخصائي التطوير وده عبارة عن الرمز اللى من خلاله بتقدر تتابع مدرسين على المنصة لو في شرح او استفسار لماده او لمعلومه وده لازم يكون موجود مع اخصائي التطوير بالمدرسة لان لو مش موجود معناه ان المدرسة مش هتمتحن وده مستحيل لان من خلاله هتعرف البحث المطلوب منك فخلى كلامك مع مدير المدرسة او اخصائي التطوير فقط واذا ماوصلتش لحاجة روح الادارة التعليمية ولو فرضنا ان ماجبناش رمز الصف ومش هنجيبه اعمل البحث على ورق وسلمة يدوي فى المدرسة وسجل عليه الكود بتاعك(الرقم التعريفي) وكدة مش مهم رمز الصف.

3.   منصة ادمودو Edmodo  ده الرابط بتاعها https://new.edmodo.com/student-signup وودى عبارة عن الموقع اللى من خلاله هتعرف الأبحاث المطلوبه من كل سنة دراسية ومنها تختار البحث اللى انت عايزه المناسب للسنة الدراسية بتاعتك من الأبحاث اللى هيعلنوا عنها يوم 9 ابريل وممكن تجيب البحث من الجرايد زي ما قال الوزير واخر ميعاد لتسليم البحث يوم 15 / 5 / 2020  وهتسجل عليها باليوزر نيم والباص ورد بتوعك  وبتاريخ 8 / 4 / 2020 الوزارة قالت ان اللى سجل قبل كدة بطريقة غلط يسجل تانى بالطريقة الصح وعشان كدة اعجابك بصفحة الفيس بتاعتنا هنقدر نوصلك بالمعلومة الجديدة اول باول لو سجلت مع نفسك من غير اليوز والباص بتوع الوزارة هتتوه جوا المنصة بتكتب اليوزر بدل الايميل لان الايميل ده خاص بالمدرسين اليوزر نيم بتكتب الرقم التعريقي بتاعك وقبله moe وماتسبش مسافة بينهم وده فيديو طريقة التسجيل المظبوطة وطريقة التعامل وكل ما يخص المنصة  الفيديو من الوزارة نفسها

4.  المكتبة الالكترونية او بنك المعرفة  من اللينك ده study.ekb.eg ودى عبارة عن المكان اللى هتجيب منه الاجابات والمعلومات اللى هتحتاجها في البحث بتاعك هتلاقي فيها كل المصادر الموثوقة اللى تقدر تعتمد عليها من خانة البحث في المكتبة فوق خالص هتكتب الكلمة اللى هتعمل البحث عنها هتظهرلك النتائج وعلى اليمين هتلاقي الكلمات الدلالية تحدد منها السنة الدراسية عشان تصفي النتائج للسنة بتاعتك بس تاخد المعلومه وتعيد صياغتها بعد ما تفهمها كويس وتكتبها في البحث بتاعك ما تاخدش النص نسخ لصق عشان ده مش في صالحك واى معلومة هتستعملها لازم تبقي عارف انت جبتها منين عشان هتكتب جبتها منين في اخر البحث وهتلاقي شرح بالفيديو للكلام ده هنا في الدقيقة 1.30 اضغط هنا لو عايز تشوف الشرح فيديو

                 

5.   ملحوظة هامة ما تاخدش معلومات من مصدر مش موثوق فيه سيبك من مواقع النت المجهولة مش اى موقع على النت بيكون موثوق فيه لانك هتكتب في اخر البحث المصدر اللى جبت منه المعلومة.

بدايه البحث :- هتبدء بالطريقة دى

·    عنوان الموضوع :-

·    الرقم التعرفي للطالب:-

·    الأرقام التعريفية لزملائك لو هتعمل البحث مع زمايلك

·    مقدمة عن الموضوع :- فكرة مختصرةعن الموضوع اللى هتكتبه

·    عناصر الموضوع :- اللى هتتكلم عنه يعنى هتقسم الموضوع لاكتر من عنصر وترتبهم 1 , 2 , 3 ولو في صور تضفها

·    النتائج : - اللى وصلتلها بمعنى بعد ما دورت على معلومات فهمت ايه من اجمالى المعلومات دى.وتكتبه كاجمالي عن الموضوع

·    المصادر : - اللى جبت منها المعلومات ودى خطوة مهمة جدا : مثال لو اخدت معلومات من الكتاب المدرسي : هتكتب الكتاب المدرسي مادة التاريخ ص 10 ,ص15 , من ص20الى ص30 ولو من بنك المعرفة هتكتب مثال بنك المعرفة المصري , دار نهضة مصر ,عصر بناة الاهرامات

وبكده هتكون خلصت البحث بتاعك تروح لموقع المنصة وترفع البحث بتاعك ولو محتاج شرح ازاي ترفع البحث او اي شرح مفصل لحاجه مش فاهمها من الصفحة دي هتلاقي شرح تفصيلي في اكتر من موضوع علي اللينك ده 👇
https://sahla333.blogspot.com/search/label/%D8%AA%D8%B9%D9%84%D9%8A%D9%85%20%D9%85%D8%B5%D8%B1?m=1

بعد ما تكتب وتخلص المشروع هتسحبه علي سكانر في اي مكتب كمبيوتر او مكتبة بعدين تحملة على فلاشة او سى دى وتوديه المدرسة

ودلوقتى ياريت تنسخ اللينك ده 
https://sahla333.blogspot.com/2020/04/Edmodo.html
وابعته لكل زمايلك وصحابك عشان تتناقشوا فى طريقة عمل البحث وانشره على الفيس عندك عشان نحاول نوصل المعلومة للناس فى ناس كتير لسه مش عارفه اى حاجة عن البحث ساعدهم توصلهم المعلومة 

 واخيرا ما تنساش تعمل اعجاب بصفحتنا على الفيس هنبسطهالك عشان نعرف نوصلك بالمعلومات الجديدة لسه قدامنا لحد 15 / 5 واكيد هيكون في جديد بالتوفيق والنجاح ان شاء الله                                      

قوالب عمل البحث الرسمية جاهزة للكتابة قوالب الوزارة الرسمية المصرح بها فقط

              

هنبسطهالك - HnBsthalk

اقرء المزيد

طريقة سهلة وبسيطة لعمل البحث لجميع الطلاب ابتدائي واعدادى

كيفية عمل البحث للمرحلة الابتدائية والاعدادية

كل ما يخص البحث

 فيديو من وزارة التربية والتعليم بتاريخ الاثنين 6 / 4 / 2020
الفيديو الجديد شرح طريقى عمل البحث الطريقة الصحيحة من الوزارة نفسها
https://sahla333.blogspot.com/2020/04/blog-post_6.html

س : أيه حكاية البحث وهبدء من فين ؟
ج : الطالب هيفتح الموقع ده http://studea.emis.gov.eg موقع كود الإختبارات الخاصة بالوزارة هيطلب منك الرقم القومى (هتلاقيه على شهادة الميلاد) وتاريخ الميلاد والنوع ومحافظة الميلاد وتخلي بالك تكتب الرقم القومي باللغة الانجليزية علشان يقبل الدخول وتضغط على تسجيل الدخول هتلاقي الكود ولكل طالب كود خاص به لكل المواد .
س : بعد ما أخذ الكود هعمل ايه بالكود ده؟
ج : هتخلى الكود ده معاك وتحافظ عليه وتستنى لحد يوم 9 أبريل ترجع تانى تفتح موقع المنصة على الرابط ده https://edmodo.org  هتلاقى اسألة البحث وكل التفاصيل المطلوبة منك وفي فيديو تجريبي هتعمله الوزارة يوم 5 ابريل هتفهم منه شرح عملى هتلاقي الرابط بتاعه فى اول الصفحة دى.
س : يعنى هفتح موقع المنصة علشان أشوف الإختبارات المطلوبة منى صح كده؟
ج : تمام كده لحد دلوقتى لما يقولوا قرارات جديدة هتلاقيها هنا على الموقع برضو.
س : طيب وبعدين اعمل ايه تانى ؟
ج : بعد ما دخلت الموقع المنصة (ادمودو) هتلاقي 5 اختبارات تختار منهم واحد اللى يعجبك وتجاوب عليه فى ورق عادى أو مطبوع او على الكمبيوتر او الموبايل زى ما تحب بس بشرط ماتنقلش من حد ولا يكون جاهز من المكتبات.
س : وبعد ما أنتهى من البحث المطلوب منى أعمل بيه أيه؟
ج: هتروح على الموقع المنصة https://edmodo.org هتفتح صفحتك على موقع  edmodo وهو منصة تعليمية فيها صفحة لكل طالب هتدخلها بالكود اللى جبته من على الانترنت من الموقع اللى قولتلك عليه فوق ورمز الصف اللى جبته من المدرسة بتاعتك .

ماتنساش تقرا الموضوع ده 👇 عشان تعرف ايه حكاية كود المدرسة 

هام جدا قبل ان تستخدم edmodo لأول مرة

س : يعنى ده موقع تانى غير موقع الأكواد ؟
ج : أيوة تمام كدة.
س: بعد ما أفتح الموقع ده وأفتح صفحتى عليه أعمل أيه؟

ج: هترفع البحث بتاعك بصيغة وورد WORD او بى دى افPDF على المنصة الإلكترونية لو انت كاتبه على كمبيوتر وكمان هتلاقي مكان تكتب فيه على طول.
س : يعنى أيه الكلام ده انا مش فاهم ؟
ج : يعنى أنت هتكتبه على الكمبيوتر عادى كانك بتكتب اى ورقة وهتعملها حفظ مثلا بأسم إختبار اللغة العربية وبعد ما تفتح موقع أدمودو edmodo هتدخل على صفحتك هتلاقى فى رمز أو أيقونة عليها رفع الملفات ( أو تحميل ملفات ) هتضغط عليها هيفتح معاك صفحة جديدة علشان تشوف مكان حفظ ملفك أنت حافظه فين وأول ما تلاقيه هتضغط عليه وبعدين تضغط على كلمة موافق هيترفع معاك الملف ويقولك تم التأكيد .
س : وهتظهر لى نتيجتى على طول؟
ج: لا طبعا لسه فى مدرسين من الوزارة هيدخلوا على المنصة الالكترونية ويشوفوا  أبحاث الطلبة ومدرس المدرسة بيقيم البحث وبس.
س :طيب لو انا ماعنديش نت ومش بفهم فى الكمبيوتر ومش معايا فلوس ومش هقدر اروح سايبر او كافيه نت اعمل ايه؟
ج: مش انت كتبت البحث وطبعته وماعندكش إمكانية ترفعه ممكن تسلمه باليد إلى إدارة المدرسة اللى أنت بتدرس فيها بس ماتنساش تكتب عليه الكود بتاعك.
س : طيب أنا مش هعمل البحث ده أيه اللى هيحصل يعنى؟
ج: هتضطر تيجى قبل زمايلك السنة الجاية بأسبوعين قبل الموعد الرسمى للدراسة وبرضه لازم تقدم بحث
إما هيعتبروا انك راسب وهتعيد السنة.
س : طيب والكلام ده لحد أمتى ؟
ج : قدامك شهر ونصف يعنى لحد 15/5/2020 م
س : طيب الإختبار ده فى المنهج كله ؟
ج : لا طبعا الوزارة قالت الإختبارات فى المنهج اللى درسته لحد 2020/3/15 م وبس يعنى اللى بعد كدة مالكش دعوة بيه.
س : طيب الأسئلة هيكون نوعها ايه بالظبط ؟
ج : أسئلة سهلة وبسيطة هتلاقيها زى الواجب المنزلى اللى كنت بتعمله فى البيت.
س : كدة انا خلصت البحث وهتفكوني؟
ج : ايوه يامعلم خلصت ونتمنى لك النجاح والتوفيق .
تمام اعمل ايه بقي دلوقتي؟

شارك لينك المقال عشان الكل يستفيد انسخ اللينك ده👇
 https://sahla333.blogspot.com/2020/03/edmodo.html
وانشره على صفحتك على الفيس وابعته لصحابك على الوتس وانستا

وعشان يوصلك الاخبار الجديدة ع الفيس اضغط لايك لصفحتنا ↓👇

اهم النقط اللي محتاجين نعرفها من كلمة وزير التعليم هنبسطهالك

فيديو : وزير التربية والتعليم وشرح لطريقة عمل البحث يوم الخميس ٢ أبريل 2020 

 تجميع لكل الخطوات والمواقع المطلوبة وكيفية الحصول على المعلومات لاتمام البحث وطريقة تنسيق البحث المدرسي من البداية حتى تسليم البحث هتلاقيها
فى اللينك ده👇 اضغط عليه  

https://sahla333.blogspot.com/2020/04/Edmodo.html

اقرء المزيد